kavach / vividh pujaye

॥ शुक्र कवचम् ॥ मृणाल कुन्देन्दु पयोज सुप्रभं पीतांबरं प्रसृतम् अक्ष मालिनम् । समस्त शास्त्रार्थ निधिं महान्तं ध्यायेत् कविं वाञ्छितम् अर्थ सिध्दये ॥ 1 ॥ ॐ शिरो मे भार्गवः पातु भालं पातु ग्रहाधिपः । नेत्रे दैत्य गुरुः पातु श्रोत्रे मे चन्दन द्युतिः ॥ 2 ॥ पातु मे नासिकां काव्यो वदनं दैत्य वन्दितः । वचनं चोशनाः पातु कण्ठं श्री कण्ठ भक्तिमान् ॥ 3 ॥ भुजौ तेजो निधिः पातु कुक्षिं पातु मनो व्रजः । नाभिं भृगु सुतः पातु मध्यं पातु महीप्रियः ॥ 4 || कटिं मे पातु विश्वात्मा उरू मे सुर पूजितः । जानुं जाड्यहरः पातु जन्घे ज्ञान वतां वरः ॥ 5 ॥ गुल्फौ गुण निधिः पातु पातु पादौ वराम्बरः । सर्वाण्यङ्गानि मे पातु स्वर्ण माला परिष्कृतः ॥ 6 ॥ य इदं कवचं दिव्यं पठति श्रद्धयान्वितः । न तस्य जायते पीडा भार्गवस्य प्रसादतः ॥ 7 ॥ ॥ इति श्री ब्रह्माण्ड पुराणे शुक्र कवचं सम्पूर्णम् ॥

॥ दशरथ कृत शनि स्तोत्र॥ ॐ शं शनैश्चराय नमः ॐ शं शनैश्चराय नमः ॐ शं शनैश्चराय नमः नमः कृष्णाय नीलाय शितिकण्ठ निभाय च । नमः कालाग्नि रूपाय कृतान्ताय च वै नमः ।। नमो निर्मास देहाय दीर्घश्मश्रु जटाय च। नमो विशालनेत्राय शुष्कोदर भयाकृते । नमः पुष्कलगात्राय स्थूलरोम्णेऽथ वै नमः । नमो दीर्घाय शुष्काय कालदष्ट्र नमोऽस्तुते ।। नमस्ते कोटराक्षाय दुर्निरीक्ष्याय वै नमः। नमो घोराय रौद्राय भीषणाय कपालिने ।। नमस्ते सर्वभक्षाय वलीमुखाय नमोऽस्तुते । सूर्यपुत्र नमस्तेऽस्तु भास्करे भयदाय च।। अधोदृष्टेः नमस्तेऽस्तु संवर्तक नमोऽस्तुते । नमो मन्दगते तुभ्यं निरिस्त्रणाय नमोऽस्तुते || तपसा दग्ध देहाय नित्यं योगरताय च । नमो नित्यं क्षुधार्ताय अतृप्ताय च वै नमः ।। ज्ञानचक्षुर्नमस्तेऽस्तु कश्यपात्मज सूनवे । तुष्टो ददासि वै राज्यं रुष्टो हरसि तत्क्षणात् ।। देवासुर मनुष्याश्च सिद्ध विद्याधरोरगाः । त्वया विलोकिताः सर्वे नाशंयान्ति समूलतः ।। प्रसाद कुरु मे देव वाराहोऽहमुपागत । एवं स्तुतस्तद सौरिग्रहराजो महाबलः ।।

॥ राहु कवच ॥ प्रणमामि सदा राहूं शूर्पाकारं किरीटिनम् । सैन्हिकेयं करालास्यं लोकानामभयप्रदाम् ॥ १ ॥ नीलांबरः शिरः पातु ललाटं लोक वन्दितः । चक्षुषी पातु मे राहुः श्रोत्रे त्वर्ध शरीरवान् ॥ २ ॥ नासिकां मे धूम्रवर्णः शूलपाणिर्मुखं मम । जिव्हां मे सिंहिकासूनुः कंठं मे कठिनांघ्रीकः ॥ ३ ॥ भुजंगेशो भुजौ पातु नीलमाल्याम्बरः करौ । पातु वक्षः स्थलं मंत्री पातु कुक्षिं विधुतुदः ॥ ४ ॥ कटिं मे विकटः पातु ऊरु मे सुरपूजितः । स्वर्भानुर्जानुनी पातु जंघे मे पातु जाड्यहा ॥ ५ ॥ गुल्फ़ौ ग्रहपतिः पातु पादौ में भीषणाकृतिः । सर्वाण्यंगानि मे पातु नील चंदन भूषणः ॥ ६ ॥ राहोरिदं कवचमृद्धिदवस्तुदं यो । भक्त्या पठत्यनुदिनं नियतः शुचिः सन् ॥ ७ ॥ प्रप्नोत कीर्तिमतुलां श्रियमृद्धिमायु रारोग्यमात्मविजयं च हि तत्प्रसादात् ॥ ८ ॥ ॥ इति श्रीमहाभारते धृतराष्ट्रसंजयसंवादे द्रोणपर्वणि राहुकवचं संपूर्ण ॥

॥ केतु कवचम् ॥ केतु करालवदनं चित्रवर्ण किरीटिनम् । प्रणमामि सदा केतुं ध्वजाकारं ग्रहेश्वरम् ॥ १ ॥ चित्रवर्णः शिरः पातु भालं धूम्रसमद्युतिः । पातु नेत्रे पिंगलाक्षः श्रुती मे रक्तलोचनः ॥ २ ॥ घ्राणं पातु सुवर्णाभश्चिबुकं सिंहिकासुतः । पातु कंठं च मे केतुः स्कंधौ पातु ग्रहाधिपः ॥ ३ ॥ हस्तौ पातु सुरश्रेष्ठः कुक्षिं पातु महाग्रहः । सिंहासनः कटिं पातु मध्यं पातु महासुरः ॥ ४ ॥ ऊरु पातु महाशीर्षो जानुनी मेऽतिकोपनः । पातु पादौ च मे क्रूरः सर्वाङ्गं नरपिंगलः ॥ ५ ॥ य इदं कवचं दिव्यं सर्व रोग विनाशनम् । सर्व शत्रु विनाशम् च धारणा द्विजयी भवेत् ॥ ६ ॥ ॥ इति श्री ब्रह्माण्ड पुराणे केतुकवचं संपूर्णम् ॥